【運動投資學，年紀是關鍵】
大家都知道運動對身體有益，身體喺年輕時期嘅各項機能都達到最高峰，三項鐵人都可以應付，但隨著年齡增長，運動類型同埋強度都應該按身體機能調整而漸催緩和，否則適得其反。
而MPF投資也一樣，年輕人距離退休時間長，即係投資年期較長，可抵禦市場波幅，就可以考慮選擇相對潛在風險較高嘅資產類別以獲得較大嘅預期回報，而年紀大嘅人情況就剛好相反。
市場上有一啲簡易嘅方法幫你計算高風險資產嘅比重。以「100法則」作為例子，佢嘅計法係「100 - 年齡 = 投放於風險較高嘅資產類別嘅百分比」。假設你依家25歲，「100 - 25 = 75」，你就可以將75%嘅資產投資落較高風險嘅資產，例如股票基金；相反，當你70歲嘅時候，你可以投資落高風險資產嘅百分比就應該調低至30%。
呢個方法提供一個粗略嘅資產分配參考，希望幫到大家選擇適合自己嘅基金組合啦！
#滾續達人 #高回報高風險 #資產比重 #100法則 #記得定期調整
Search